Albistea entzun

KATALUNIAKO PROZESU SUBIRANISTA

Boz plebiszitarioak proposatu ditu Trantsizio Nazionalerako Kontseiluak

Erakundeko presidenteak uste du hauteskundeen ostean osatutako parlamentuak aldebakarreko independentzia aldarrikapena egin dezakeela, eta urte eta erdiko epean sor dezaketela estatu independentea.

Carles Viver Pi-Sunyer eta Artur Mas, Liburu Zuriaren aurkezpenean.
Carles Viver Pi-Sunyer eta Artur Mas, Liburu Zuriaren aurkezpenean. Marta Perez / EFE

Berria -

2014ko urriak 13 07:23

Konstituzionalak kontsultaren baliogabetzeari eutsiz gero boz plebiszitarioak egitea proposatu du Kataluniako Trantsizio Nazionalerako Kontseiluko presidente Carles Viver Pi-Sunyerrek: "Arazoa da, Konstituzionalak epairik eman ezean, botoa emateko unea ez dela legezkoa izango". Azaroaren 9ko data atzeratzeko aukerari "dramatismoa" kentzeko eskatu du: "Badirudi ezin bada bozkatu prozesua etengo dela; gauzak perspektiba gehiagorekin begiratu behar dira: prozesu luzea eta zaila da".

Haren ustez, azaroaren 9an kontsultarik ez egiteak ez luke herritarren "desmobilizazioa" eragin behar, eta, horretarako, eman beharreko pausoetako batzuk iragartzea jo du egokitzat.

Hauteskunde plebiszitarioetara independentziaren aldeko zerrenda bakarra edo puntu komun hori duten zerrenda bat baino gehiago aurkez daitezkeela uste du Viverrek. Aukera horrek Kataluniako Parlamentuan gehiengoa eskuratuz gero, aldebakarreko independentzia deklarazioa egin lezake parlamentuak, eta urte eta erdiko epean estatu independentea sortu.

Aukera hori jaso zuen Kataluniako Trantsizio Nazionalerako Kontseiluak, Kataluniako Gobernuarentzat eginiko txostenetako batean. Nolanahi ere, aste erabakigarria izango da Kataluniako etorkizun politikoari buruzko kontsulta egingo den ala ez erabakitzeko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Palestinako herritarrak Israelgo segurtasun indarrek hildako palestinar baten hiletan, Ramallahn. ©Alaa Badarneh / EFE

Israelen eta Palestinaren arteko gatazka «borborka hastear» dagoela ohartarazi du NBEk

Maddi Iztueta Olano

Erakundeak bi estatu sortzeko plana onartu zuenetik 75 urte betetzen dira gaur, baina liskarrak ez du etenik izan ia. Israelgo segurtasun indarrek bost palestinar hil dituzte bart.

Erreskatatu dituzten hiru gizonak, 'Alithini II' petrolio ontziaren lema gainean. ©@salvamentogob

Petroliontzi baten lemaren gainean 11 egunez iraun duten hiru lagun erreskatatu dituzte Kanarietan

Paulo Ostolaza

Ontzia Lagostik abiatu zen, Nigeriatik, azaroaren 17an. Lehen arreta eman eta gero, hipotermia zantzuekin ospitaleratu dituzte hiru gizonak.

Jens Stoltenberg NATOko idazkari nagusia, atzo, Bukaresten egindako agerraldian. ©ROBERT GHEMENT / EFE

Stoltenberg: «NATOk Ukraina babesten jarraituko du, eta ez dugu atzera egingo»

Mikel O. Iribar

Mendebaldeko aliantza militarra bilera egiten ari da Bukaresten. Reutersen arabera, NATO presio egiten ari zaie armak ekoizten dituzten enpresei, hornidura «arazoak» dituztelako.

Irango emakumeen aldeko protesta bat, Istanbulen (Turkia), larunbatean. ©ERDEM SAHIN / EFE

Iranek ez dio lagunduko NBEri protestetako errepresioa ikertzen

Maddi Iztueta Olano

NBEk misio bat sortu du Mahsa Aminiren aldeko mobilizazioetako errepresioa ikertzeko. Protestetan 300 lagunetik gora hil dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.