Eskozia

Eskoziako botere itzulketan "traizio" egin diezaieketela uste du Salmondek

Erreferendumerako kanpainaren azken txanpan egin zuten unionistek eskaintza, ezezkoak irabaziz gero Eskoziari eskumen berriak emateko.

Eskoziari agindutako botereak nola transferitu eztabaidatuko du Erresuma Batuko Komunen ganberak, Londresen.
Eskoziari agindutako botereak nola transferitu eztabaidatuko du Erresuma Batuko Komunen ganberak, Londresen. Facundo Arrizabalaga / EFE

Berria -

2014ko urriak 14

Alex Salmond Eskoziako lehen ministroa ez da fio David Cameron Erresuma Batuko lehen ministroaz eta alderdi kontserbadoreaz. Uste du hartutako konpromisoei "traizio egiteko" prestatzen ari direla: "Jendeak ez du konfiantzarik tori-engan, eta oso haserre daude hartutako konpromisoen traizioa dirudien horrekin". Joan den irailaren 18ko Eskoziako erreferendumean ezetzaren garaipenak ekarritako ondorioak aztergai izan dituzte diputatu britainiarrek Erresuma Batuko Komunen Ganberan.

Atzo aurkeztu zuen Alistair Carmichael Eskoziarako Erresuma Batuko estatu idazkariak Eskoziari eskumen berriak emateko plana. Neurrien artean, Edinburgori fiskalitate arloan askatasun handiagoa ematea aurreikusten du txostenak.

Irailaren 18an egindako erreferendumean, independentziaren aurkako jarrera izan zen nagusi, botoen %54,6 eskuratuta. Biharamunean, Eskoziaren autonomia zabaltzeko eskaintza berretsi zuen Erresuma Batuko lehen ministroak, David Cameronek.

Eskoziarekin batera, gainera, Ingalaterrari, Galesi eta Ipar Irlandari ere eskumen berriak emateko proposamena egin zuen Cameronek. Eskaintza ez dute begi onez ikusi laboristek, indar gutxi edukiko luketelako Ingalaterrako balizko parlamentu batean, kontserbadoreen mesedetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna