Albistea entzun

ATXILOKETA

Polizia operazioa, frantsesezko bide seinaleak Parisera bidaltzeagatik

Aitzinako kide bat atxilotu dute jendarmeek, eta antolakundearen egoitza miatu. Aske da gaztea, eta agerraldira deitu du gaurko Aitzinak.

Aitzinaren aldeko elkarretaratzea egin zuten atzo Baionan.
Aitzinaren aldeko elkarretaratzea egin zuten atzo Baionan. / Bob Edme

Nora Arbelbide - Hodei Iruretagoiena -

2014ko urriak 17

Goizeko zazpietan, Alex Felmann Aitzina-ko langilearen etxera iritsi da Jendarmeria, Arrosan (Nafarroa Beherea). Etxea miatu ondoren, Frantziako Polizia Aitzina-k Baionan duen egoitzara joan da atxilotuarekin, eta hango barneak arakatu ditu. Orain, Marracq-eko Jendarmerian daukate gaztea. Egoitzaren argazkia sareratu du Aitzina-k berak:

Felmannen bizilagunari erran diotenez, Kontseilu Nagusiaren bide seinaleen "istorio" bati lotua da operazioa. Hala baieztatu du Baionako prokuradoreak ere, eta Kontseilu Nagusitik ere esan dute uztailean jakinarazi ziotela Jendarmeriari bide seinaleak falta zirela. Elkarretaratzea egin dute arratsaldean Baionan, atxilotutako lagunari babesa adierazteko. Arratsaldean bertan Aitzina-k jakinarazi duenez, aske utzi dute. Bihar agerraldia egingo dute.

Joan den uztailaren 14an, Aitzina gazte mugimenduak frantses hutsean ziren bide seinale batzuk kendu eta Pariserako trenean jarri zituen, eta bideo baten bidez zabaldu zuten haren berri. Honako hau da bideoa:

EhKz-ren materiala eraman dute

EhKz-ko kideek salatu dute miaketa unean haien ordenagailua eta disko gogorra eraman dituztela. "Lapurreta hori gogorki salatu nahi dugu, prentsa askatasunaren kontrako erasoa delako", adierazi du Ekhi Erremundegi EhKz-ko koordinatzaileak. Gaineratu du "onartezina" dela Poliziak Aitzina gazte antolakundearen kontra eraman operazioa "komunikabide baten materiala konfiskatzeko baliatzea".

Are gehiago, Euskal Herriko garai politiko "berri" honetan Aitzina gazte antolakundearen kontrako operazioa "ulertezintzat" jo dute Radio Kultura eta EhKz-k, eta elkartasun osoa "erakutsi" nahi dute Alex Feldmani, zeinak egunero haiekin egoitza berean lan egiten duen, bai eta haren lagun eta senideei ere. Era berean, EhKz-ren materiala "itzultzeko eskaera irmoa" egin dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Etxerat-ek antolatutako mobilizazio bat, Donostian. ©JAGOBA MANTEROLA / FOKU

Salbuespena desmuntatzen hasi den urtea

Iosu Alberdi

Euskal presoen %68,5 Euskal Herriko espetxeetan daude, eta gradu progresioak jasotzen hasi dira. Foro Sozialak uste du azken urtean «aurrerapauso sendoak» eman direla

Iñaki Larramendi: belaunaldi baten azkena

Iñaki Larramendi: belaunaldi baten azkena

Julen Aperribai

Txillardegi, Albisu, Gantzarain, Benito del Valle eta beste zenbaitekin batera Ekinen sortzaile izandakoa hil da, 93 urterekin. EGIrekin erabat hautsi, eta ETAren eratze batzarra egin zuen belaunaldi hark, 1958an.

 ©RAUL BOGAJO / @FOKU

«Gure ereduaren oinarrietako bat da printzipio komunitarioa»

Iosu Alberdi

Urtebete igaro da Espainiako Gobernuak Arabako, Bizkaiko eta Gipuzkoako kartzelen kontrola Eusko Jaurlaritzaren esku utzi zuenetik. Estrategia berria fintzen ari diren arduradun nagusietako bat da Artetxe.
Erraldoiak San Fermin Txiki jaien txupinazoan, iragan ostiralean. ©Iñigo Uriz / FOKU

Iruñeko Udalak laguntza kendu dio Alde Zaharreko jai batzordeari

Berria

San Fermin Txiki jaietan egindako euskal presoen eskubideen aldeko ekitaldi bat erabili du argudio moduan. Jai batzordeak, hortaz, itzuli egin beharko du jasotako dirua. 5.791 euroko laguntza esleitu zion udalak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...