POLITIKA

Libertate Nafarra alderdia sortu dute, "nafar patriotismoaren botoa mobilizatzeko"

Nafarroa "bere askatasuna, eskubideak eta herritarren politika aktiboa berreskuratu nahi duen estatu" gisa ulertzen du alderdiak.

Berria -

2014ko urriak 24

Foru hauteskundeetara aurkeztuko da alderdia, eta gaur aurkeztu dute Iruñean. Bertan hartu du parte Mikel Iriarte alderdiko presidente eta zerrendaburuak. Harekin batera izan dira Mikel Los Arcos eta Gaizka Basaldua.

Basalduak azaldu du Nafarroa ez dela "soilik Euskal Herri barneko probintzia bat", ezta "zazpi herrialdeetako bat" ere, baizik eta "estatu gisa" ulertzen dutela lurraldea: "Historikoki Atapuercaraino iristen bazen, horrek ez du esan nahi gaur egun hala izan behar duenik, baizik eta herritarrek hala nahi eta adierazten badute, hala izan daitekeela".

"Inpostatutako mugarik gabeko Nafarroa" aldarrikatu dute, "berreraiki beharreko Nafarroa". Gaur egun foru erkidegoa "belauniko" dagoela uste dute, eta herritarrek "euren eskubideen eta askatasunaren defentsan bat egitea" da euren asmoa; alderdia "batasun berri horretarako nafar guztien tresna" izatea nahi dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna