Albistea entzun

SANFERMINETAKO TXUPINAZOA

Bost hilabeteko zigorra iazko txupinazoan ikurrina jartzeagatik

Mikel Valdivieso, Iker Garzia, Natxo Barriuso eta Iñigo Ramaio dira zigortutakoak. Josu Gracia absollbitu egin dute, ekintza grabatu zuelako soilik. Helegitea aurkeztuko dutela esan dute zigortuek.

Auzipetuak, Arantza Izurdiaga abokatuarekin, ahozko epaiketaren lehen saioan.
Auzipetuak, Arantza Izurdiaga abokatuarekin, ahozko epaiketaren lehen saioan. Ińigo Uriz / Argazki Press

Lohizune Amatria -

2014ko urriak 28 12:01

Iruñeko 1. Zigor Auzitegiak bosna hilabeteko espetxe zigorra ezarri die iazko sanferminetako txupinazoan ikurrin handi bat zintzilikatu zuten lau lagunei. Ordena publikoaren kontrako delitua egitea egotzi die epaileak, eta fiskalak eskatutako zigorra ezarri die. Iruñeko Udalaren izenean, akusazio partikularrak bi urteko espetxe zigorra eta jai ekitaldietara joateko debekua eskatu zuen.

Horrez gain, epaileak debekatu egin die bi urtez "jende kopuru handiak" dauden leku edo ekitaldietara joatea. Gainera, larrigarritzat jo du ekintza mozorrotuta egin izana.

2013ko uztailaren 6an, sanferminetako txupinazoan, ikurrina zabaltzeagatik epaitu dituzte bost iruindarrak. Urriaren 8an ekin zioten ahozko epaiketari, eta lehen saioan onartu zuten auzipetuek ikurrina jarri izana.

Maria Aleman Ezkarai epaileak arrazoitzen du auziperatuek ez zutela bandera "ohiko bidetatik" sartu plazan eta "askoz modu larriagoan" egin zutela deritzo, "udal ordenantzak aurreikusten duen moduetatik at". Hartara, epaileak azaltzen du ezin zaiela zigortu administrazio arloko isun batekin.

Era berean, auzi saioan auziperatuek arrazoitu zuten eskalatzaileak direla, lan bertikaletan jarduten dutela eta ikurrina jartzea arriskua ondo neurtu zutela. Epailearen arabera, profesionaltasun hori ez zuten "behar bezala egiaztatu", eta eurenaz gain, udaltzain baten lekukotza dago. Haren arabera, instalazioa "nahiko segurua" zen.

Hartara, epaileak garrantzia eman dio alkateak suziria 18 minutuz atzeratzeko erabakiari. Auzi saioan, Tedax-eko bi polizik lekukotza eman zuten. Euren arabera, Iruñeko txupinazoan erabilitako materiala Santa Barbara motakoa da. Perituen arabera, material hori ez da zehaztasun handikoa, eta "nahikoa da milimetro bat edo 2 milimetro norabidea aldatzeko". Polizien esanetan, ikurrina jarrita suziria botatzea "arinkeria" litzateke.

Ondorio horiek oinarri hartuta, epaileak ebazten du ikurrina jartzea orden publikoa nahasi zuela eta larria izan zela "plazan zegoen masifikazioaren ondorioztxupinazoaren atzerapen denboragatik". Epailearen ustez, alkatearen erabakia "objektiboki" zuzena izan zen, eta segurtasun arrazoiei erantzun zien."Epaile hau ez da sartuko batzuek eta besteek eman dituzten iritzi politikoen inguruan".

Desordena eragitearen motibazio subjektiboa ere neurtu nahi izan du epaileak. Auzi saioan Ramallok onartu zuen interneten begiratu zutela eta su-etxeekin ere hitz egin zutela. Epaileak, ebazpenean Gara  egunkariari eskainitako elkarrizketa bat ere aipatzen du. Bertan, bizardunetako batek esan zuen aldez aurretik zaila zela kalkulatzea zer gertatuko zen edo gaizki atera ote zitekeen.

Epaileak, Gorenaren doktrina gogorarazten du. Haren arabera, ideia bat askatasunez aldarrikatzeko helburu zilegiak  ez du eragozten delitu bat egin izana. Epailearen irudiko, badira beste modu batzuk aldarrikapen hori egiteko.

Gainera, mozorroa erabili izana larrigarria dela deritzo. Epailearen arabera, bizarren eta betaurrekoen erabilera eraginkorra izan zen egileen nortasuna ezkutatzeko balio izan zuelako. "Agerian geratzen da identifikazioa eragozteko helburua zutela".

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Amaitu da Euskaraldia

Hizkuntza ohiturak aldatzeko ariketa sozialarekin jarraitzeko deia egin dute

Edurne Begiristain

Euskaraldia gizartean «txertatua eta normalizatua» dagoela esan dute sustatzaileek. Hirugarren edizioan 161.099 lagunek eta 6.634 entitatek eman dute izena, eta 8.563 egoitzatan sortu dituzte ariguneak. Hala ere, aurten «nahi baino txapa gutxiago» ikusi da kalean, eta aztertuko dute zein den arrazoia.

Eusko Legebiltzarreko indar politikoak, Euskaraldiari sostengua adierazten. ©BERRIA

Euskaraldian, alderdi politikoak, erdaldunago

Jon O. Urain - Gotzon Hermosilla

Euskaraldiak ez du ekarri alderdiek euskara gehiago erabiltzea Twitter bidez hedatzen dituzten mezuetan. Zenbaitetan, erabilera apaldu egin da kanpainak iraun duen bitartean

Angeluko La Barre hondartza artxiboan. ©Isabelle Miquelestorena

28 urteko surflari bat hil da Angelun

Oihana Teyseyre Koskarat

Atzo arratsaldean gertatu zen ezbeharra, surfean zebilela. Suhiltzaileek ezin izan dute suspertu.

Donostiako osasun zentro bat. ©Maialen Andres/ Foku

Osakidetzak kargutik kendu du Donostialdeko ESIren arduraduna

Gotzon Hermosilla

Itziar Perez «zuzendaritzarekin lerrokaturik ez egoteagatik» kargugabetu dute, hark esan duenez

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.