Albistea entzun

KATALUNIAKO PROZESU SUBIRANISTA

Auzitara jotzea aztertzen ari da Mas, Madrilen "gehiegikeria" salatzeko

Espainiako Gobernuaren aurkako neurriak prestatzen hasi da, hark Auzitegi Konstituzionalera jo ostean.

Artur Mas, arratsaldean egindako agerraldian. /
Artur Mas, arratsaldean egindako agerraldian. / Toni Albir/EFE

Oihan Vitoria -

2014ko urriak 31 10:57

Historia errepikatu da. Eta ez zen bestela espero. Espainiako Estatu Kontseiluak aho batez gomendatu dio Mariano Rajoy buru duen gobernuari azaroaren 9ko galdeketa alternatiboaren aurka egiteko, eta, horren ondotik, Espainiako Gobernuak Auzitegi Konstituzionalera jotzea onartu du ministro kontseiluan.

Soraya Saenz de Santamaria Espainiako presidenteordearen arabera, azaroaren 9rako deialdiak "ez du tokirik" Zuzenbide Estatuan, eta, gainera, "oinarrizko berme demokratikorik gabe" egin da. Helegitearekin "herritarrenganako eta legearekiko iruzurra" saihestu nahi du gobernuak.

Konstituzionalak bi txosten izango ditu mahai gainean Kataluniaren geroarekin loturik. Generalitateko presidente Artur Masek dekretu bidez deitutako galdeketarekin egin bezala, epaitegiak tramiterako onetsi, eta aldi baterako bertan behera laga ala ez erabaki beharko du gerora.

Masen deia herritarrei

Artur Masek arratsaldean egin du helegitearen gaineko balorazioa. Gogoratu du urriaren 14an jakinarazi zutela azaroaren 9rako egindako lehenengo deialdiaren ordez "parte hartze prozesu bat" egingo zutela, Kataluniak dituen eskumenetan babestuz. Ordutik Mariano Rajoyren gobernuak izandako jarrera kritikatu du: "Galdeketa alternatiboa txantxatzat hartzetik helegitea jartzera igaro da hamabost egunetan".

Espainiako Gobernuak helegitea aurkeztuko duela jakin eta gero, "botere gehiegikeria" egotzi dio Masek, eta gaineratu  du gobernua "modu baldarrean" erabiltzen ari dela Auzitegi Konstituzionala. "Espainiako Gobernua zurikeriaz jokatzen ari da: nor ari da ahal duen guztia egiten bermeak egon ez daitezen?". Kataluniako presidentearen iritziz, ez dago modurik Rajoyren gobernua egiten ari dena azaltzeko: "Galdetzea debekatuta dago? Inkestak debekatuko dituzte?".

Masen arabera, "demokraziaren izenean" hitz egiten dute, baina dioenez, demokraziaren oinarrietako bat herritarrak entzutea da: "Demokrazia batek ez badie herritarrei iritzia ematea onartzen, ez da kalitatezko demokrazia bat".

Berretsi du galdeketa prestatzen jarraituko dutela, eta Espainiako Gobernuaren aurkako neurriak hartzea aztertuko dutela iragarri du. "Eskumenak ditugu, eta babestu egingo ditugu". Horrekin batera, kataluniarrei azaroaren 9an parte hartzeko deia egin die, "demokraziaren lezio bat" emateko. "Alferrik galdu ezin dugun aukera bat baukagu".

Osoko bilkura asteartean

Asteartetik aurrera egingo du osoko bilkura Konstituzionalak. Artur Masek galdeketara deituz dekretua sinatu zuenean, ezohiko bilkura egin zuen auzitegiak, baina oraingoan ohiko bilkurara arte itxarongo dute epaileek auziaz ebazteko. Ezusterik ezean, bertan behera utziko dute galdeketa, eta atzeraeragina izango du gaurtik. Hori horrela, Kataluniako Gobernuak aurrerantzean galdeketa antolatzeko egiten duen urrats orok ez du baliorik izango.

Ez juridikorik, baina bestelako balioa izan dezaketen urratsak egin ditzake Generalitateak. Esaterako, bozkalekuetan boluntario lanetan arituko diren herritarrei nola jardun behar duten azaltzen hasi zaie gobernua.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz - Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste

Pekinen iragan astean egin zuten manifestazioetako bat. ©M. R. CRISTINO / EFE

Txina, konfinamenduen amaierarako bidean

Olatz Urkia

Urumqin hiru lagun hil ziren joan den astean, sute bat hasi eta konfinamendu neurriek suhiltzaileen lana oztopatu zutenean. Haserrea segituan piztu, eta Txina osoan hedatu dira neurri horren aurkako protestak; orain, egoera baretuta, badirudi gobernuak manifestariak lasaitzeko keinua egin duela.
 ©ROMAN PILIPEY / EFE

Errusiak ez du onartuko Ukrainako gerra krimenetarako auzitegirik

Mikel O. Iribar

Kremlinek «ilegitimotzat» jo du Europako Batzordeak egindako proposamena. Zelenskiren arabera, sei milioi herritar daude argindarrik gabe Ukrainan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.