Nazioartean herri kurduaren alde mobilizatzeko egindako deiarekin bat eginez, larunbaterako manifestazioa antolatu du Bilbon Herri Kurduarekin Elkartasun Ekimenak. Martxa udaletxetik aterako da, eta Guggenheim museoan bukatu. Kurdistango herriaren kontrako sarraskia gelditu! Estatu Islamikoa inperialismoaren tresna leloa eramango du.
Biharko beste deialdi bat egin dute. Askapenak elkarretaratzera deitu du Iruñean, Sarasate pasealekuan, 19:00etan (parlamentuaren aurrean). Estatu Islamikoaren jarduna salatu eta horren aurrean mendebaldeko gobernuek duten "pasibotasuna" gaitzetsiko dute. EH Bilduk bat egin du bi deialdiekin.
