Albistea entzun

frankismoko krimenak

Martin Villa atxilo hartzeko eskatu du Argentinako justiziak

Martxoak 3 elkarteak eskatua zuen Espainiako ministro ohia auzipetzeko, Gasteizko sarraskia tarteko. 19 atxilotze agindu gehiago badira.

Martin Villa, ezkerrean, martxoan, Adolfo Suarezen hiletan.
Martin Villa, ezkerrean, martxoan, Adolfo Suarezen hiletan. CHEMA MOYA / EFE

Arantxa Iraola -

2014ko azaroak 1 13:56

Maria Servini epailea buru duen auzitegiak hogei lagun atxilotzeko agindua eman du, frankismo garaiko krimenekin lotuta: Antonio Carro eta Alfonso Osorio frankismoko presidentzia ministro ohiak, Licinio de la Fuente presidenteorde ohia, Antonio Barrera de Irimo Ogasun ministro ohia, Jose Maria Sanchez-Ventura Justizia ministro ohia, Jose Utrera Molina ministro ohia, Jesus Quintana Poliziako kapitain ohia, Carlos Rey Gerra Kontseiluko kide ohia, Antonio Troncoso epaile ohia; Jesus Gonzalez Reglero, Ricardo Algar, Felix Criado, Pascual Honrado De la Fuente, Jesus Martinez Torres, Benjamin Solsona eta Atilano Del Valle polizia ohiak, eta Rodolfo Martin Villa, Fernando Suarez, Jesus Cejas eta Abelardo Garcia.

Martin Villa Espainiako Harreman Sindikaletarako ministro zen frankismo garaian, eta 1976an Gasteizen Poliziak hil zituen bost langileen hilketaren erantzule izatea leporatzen diote. Iaz, martxoaren 3ko biktimak haren aurka deklaratzera joan ziren Argentinara, Maria Servini epailearen aurrean. Jesus Quintana Gasteizko poliziaburua zen 1976an. Zaramaga auzoko San Frantzisko elizan zeuden lagunak tiroz hiltzea eta beste 50 zauritzea aurpegiratzen diote.

Solsona, berriz, Espainiako Poliziaren Bilboko komisario burua izan zen 1980tik 1982ra, eta Criado torturatzailetzat salatu zuen Jon Etxabe apaizak, Zamorako (Espainia) zenbait apaizekin batera. Carrori 1975ean Txiki eta Otaegi fusilatzeko agindua ematea egozten diote.

Fiskalak Servini epaileari eskatu berri dio deklaratzera dei ditzala hamabost lagun, frankismo garaiko krimenak ikertzeko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.