kataluniako prozesu subiranista

Nazioarteko hamar lagunen babesa azaroaren 9ko kontsultari

Nobel saridunak, idazleak eta soziologoak daude tartean. Nabarmendu dute gatazkak konpontzeko biderik onena demokraziaren tresnak erabiltzea dela.

Desmond Tutu da galdeketaren aldeko adierazpenaren sinatzaileetako bat. /
Desmond Tutu da galdeketaren aldeko adierazpenaren sinatzaileetako bat. / NIC BOTHMA/EFE

Berria -

2014ko azaroak 1

Adierazpen bat kaleratu dute nazioarteko hamar lagunek, azaroaren 9ko galdeketa babestuz. Sinatzaileen artean daude Desmond Tutu eta Adolfo Perez Esquivel Bakearen Nobel saridunak, Ken Loach zinema zuzendaria, Saskia Sassen eta Richard Sennett soziologoak, Harold Bloom literatura kritikoa, Antonio Lobo Antunes idazlea, Bill Shipsey ekoizlea, Paul Preston historialaria, eta Ambler Moss diplomatikoa.

Idatzian diotenez, Katalunian gehiengo batek behin baino gehiagotan eta hainbat modutan adierazi du bere etorkizunaren gainean erabaki nahi duela. Gogoratu dute bozkatzeko eskaera hori Espainiako eta Kataluniako gobernuen desadostasunen ondorio dela.

Quebec eta Eskoziako kasuak aipatu dituzte; haien arabera, horiek erakutsi dute "barne gatazkak konpontzeko bide onena" demokraziaren tresnak erabiltzea dela. Espainiako eta Kataluniako ordezkariei elkarrekin lan egiteko eskatu diete, bozkatzea ahalbidetzeko. Botoa eman ondoren, emaitzan oinarritutako negoziazioei ekiteko deia egin diete, gainera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna