Albistea entzun

KATALUNIAKO PROZESU SUBIRANISTA

Mas: "Zergatik ari gara hau guztia egiten? Herrialde eta gizarte proiektu propio bat garatzeko"

Espainiako Auzitegi Konstituzionalak igandeko prozesu parte hartzailea baliogabetu eta biharamunera, Kataluniako Gobernuko presidenteak esan du Kataluniak "duintasunagatik" abiatu duela prozesu subiranista. Herritarrei "lasai" egoteko eskatu die.

Artur Mas Kataluniako Gobernuko presidentea, atzo, gobernuaren bileran.
Artur Mas Kataluniako Gobernuko presidentea, atzo, gobernuaren bileran. Alberto Estevez / EFE

Jon O. Urain -

2014ko azaroak 5 08:28

"Lasaitasun mezua" zabaltzearen eta egoerari "dramatismoa kentzearen" alde mintzatu da Artur Mas Kataluniako Gobernuko presidentea, Europa Press agentziak antolatutako foro batean. Aitortu du "garai berezi batean" dagoela Katalunia, eta argudiatu du "eskubide natural bat" defendatzen ari direla: "Edozein herriren erabakitzeko eskubidea". Esan du Espainiak ez diola eskubide hori aitortu Kataluniari, eta azaldu egungo "borroka" eskubide hori "aitortzeko eta gauzatzeko" dela: "Zergatik ari gara hau guztia egiten? Herrialde eta gizarte proiektu propio bat garatzeko".

Galdeketaren biharamunean zer egin duen ere jakinarazi du: "Astelehenetik aurrera, gutun bat bidaliko diot Rajoyri, gertatutakoaren balantze bat egin eta beste behin akordio bat egitea proposatzeko".

Zehaztu du proiektu propio bat izateak ez duela esan nahi "bakartua" behar duenik, uste baitu Kataluniako gizartearen gehiengoak "Europa batuarekin" partekatu nahi duela proiektu hori. "Duintasunagatik" abiatu dute prozesu subiranista, Masen esanetan: "Mendeetan bere identitateari eutsi dion herrialde bat mentalitate irekiko herrialde bat da; horrelako herrialde bat ezin da umiliatzen utzi".

Kataluniaren gehiengoaren nahiari erantzuten diola oroitarazi du Masek, azpimarratuz herritarren "agindu oso esplizitua" duela eta prozesua "gehiengo zabal eta gizalege eredugarriarekin" egiten ari direla. Udalen %96 erabakitzeko eskubidearen alde agertu direla ere izan du gogoan.

Generalitateko presidenteak uste du igandera bitartean herritarren artean "beldurra eta nahasmena" eragiten saiatuko dela Espainia, eta horren haritik azpimarratu du lasaitasunari eustearen garrantzia. Alde horretatik, boluntario lanetan ariko diren langile publikoei mezua bidali die: "Eskubide osoa duzue boluntario izateko; ezin dizuete galarazi".

PPren "ezgaitasun politiko izugarria"

Prozesu subiranistako "katebegi ahulena" azaroaren 9ko galdeketaren aldeko alderdien adostasun politikoa dela nabarmendu du: "Bereziki irudimentsuak eta eskuzabalak izan beharko dugu, prozesu honen katebegi ahulenak ez diezaion kate osoari kalte egin".

Espainiako Gobernuaren jarrera kritikatu du: "[Madrilen] Gutxiespena, ezberdintasunarekiko tolerantziarik eza eta une batzuetan azpijokoa jasan dugu. Ezgaitasun politiko izugarria topatu dugu. Kataluniaren auzian, Madrilen ez dago ekimen bat bera ere".

Ohartarazi du Kataluniako Gobernua saiatu dela negoziatzen baina PPren gobernuak "entzungor" egin duela: "Itun fiskala, hauteskundeak, baimendutako erreferendum bat estatuarekin adosteko Kataluniako Parlamentuaren eskaria".

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Vladimir Putin Errusiako presidentea, gaur, Moskun. ©EFE

Errusiak esan du «negoziatzeko prest» dagoela, bere interesak «bermatzeko»

Mikel Elkoroberezibar Beloki

Ukrainako armadak adierazi du bere tropetako 13.000 soldadu eta 6.000 zibil hil direla gerra hasi zenetik. Haur ugariri hezkuntzarako eskubidea urratu dietela salatu du NBEko batzorde batek.

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz - Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste

Pekinen iragan astean egin zuten manifestazioetako bat. ©M. R. CRISTINO / EFE

Txina, konfinamenduen amaierarako bidean

Olatz Urkia

Urumqin hiru lagun hil ziren joan den astean, sute bat hasi eta konfinamendu neurriek suhiltzaileen lana oztopatu zutenean. Haserrea segituan piztu, eta Txina osoan hedatu dira neurri horren aurkako protestak; orain, egoera baretuta, badirudi gobernuak manifestariak lasaitzeko keinua egin duela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.