zentral nuklearrak

Energia hornitzailea aldatzeko kanpaina abiatuko du Araba Garoñarik Gabe-k

'Garoña ez, Iberdrola Ez' kanpaina jarriko du martxan, zentral nuklearrarekin loturarik ez duten hornitzaileak kontratatzearen alde. Elkarretaratzera deitu dute larunbat eguerdirako.

Garoñaren irekieraren aurkako protesta, martxoan. /
Garoñaren irekieraren aurkako protesta, martxoan. / Raul Bogajo/ARP

Berria

2014ko azaroak 6

Alberto Frias Araba Garoñarik Gabe plataformako bozeramaileak adierazi duenez, Iberdrolak "bizkarra eman dio" Garoñako zentral nuklearraren (Burgos, Espania) irekieraren aurka agertu den "gehiengo" bati, eta salatu du konpainiak, Edesarekin batera, 2031. urtera arte zentrala irekitzeko eskaera egin duela.

Friasen arabera, Iberdrolaren erabakiak "arriskuan" jartzen ditu zentral nuklearraren inguruan bizi direnen "segurtasuna eta etorkizuna", eta Araba ezin da horren aurrean "hotz" geratu. Hori dela eta, Garoñari "lotuta" ez dauden energia hornitzaileen alde egiteko deia egin die herritarrei, eta energia berriztagarriak aukera ditzatela.

Plataformak elkarretaratzera deitu du larunbaterako Gasteizen, Andre Mari Zuriaren plazan, 12:00etan. Mosaiko bat osatuko dute, eta, horrela, hasiera emango diote Garoña ez Iberdrola ere ez kanpainari. Ondoren, Iberdrolak Cercas Bajas kalean duen egoitzaraino giza kate bat osatuko dute. Kanpainarekin Arabako herritarren "gehiengoak" Garoñaren irekieraren aurka duen jarrera bistarazi nahi du plataformak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna