ERABAKITZEKO ESKUBIDEA

Erabakitzeko eskubidearen aldeko mosaikoa osatu dute 10.000 lagunek Zurriolan

Gure Esku Dago dinamikak antolatu du Donostiako Zurriola hondartzan eginiko ekimena, eta hasieran helburu gisa ezarritako jende kopurua bikoiztu du. Angel Oiarbidek normaltzak jo du erabakitzeko eskubidea, eta Euskal Herrian pausoak ematen jarraitzera deitu du.

Erabakitzeko eskubidearen mosaikoa Donostian. Bakoitza bere lekura joanez

Berria -

2014ko azaroak 8

Donostiako Zurriola hondartzan osatu dute mosaikoa gaur. Erabakitzeko eskubidearen aldeko dinamikak 5.000 lagun biltzea zuen helburu, baina motz geratu zaio aurreikuspena; 10.000 lagunek hartu dute parte.

Eskoziako eta Kataluniako banderak irudikatuz, lehenei zorionak eta bigarrenei animoak bidali nahi izan dizkiete horrela. Ondoren, hautetsontzi baten irudia ere osatu dute. Amaieran, Angel Oiarbide Gure Esku Dago-ko bozeramaileak esan du herritarren parte hartzea sustatzen bada herritarrek parte hartzen dutela. Mosaikoa "ikaragarritzat" jo du, eta eskerrak eman ditu.

"Ikusten ari da erabakitzeko eskubidea ez dela ezer arraroa", esan du Oiarbidek. Azaldu du euskal herritarrek erabakitzeko eskubidearen aldarrikapenean urratsak egiten ari direla —Etxarri Aranazko eta Arrankudiagako galdeketak eta ekaineko giza katea izan ditu gogoan— eta pausoak ematen jarraitzera deitu du: "Pauso denak dira inportanteak eta norabide horretan segitu behar da". Eszenatoki "normala" lortzeko gakoa herritarren esku dagoela gaineratu du.

Atzerapenarekin sartu dira hondartzara, bildutako jendetzaren eraginez; ordubetetik gora behar izan dute elkartutako jendetza hondartzan sartu eta mosaikoan nork bere lekua hartzeko. #basquesdecide traolarekin egin dute jarraipena sare sozialetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna