serbia

Serbiako alderdi erradikaleko buru ohi bat aske uzteko agindu dute, osasun arazoengatik

Jugoslavia ohirako Nazioarteko Auzitegiak hartu du erabakia.

Vojislav Seselj, 2009an. /
Vojislav Seselj, 2009an. / VALERIE KUYPERS / POOL

Berria -

2014ko azaroak 7

"Premiazko arrazoi humanitarioak" argudiatu ditu Jugoslavia ohirako Nazioarteko Auzitegiak Vojislav Seselj libre uzteko. Jean-Claude Antonetti epaileak sinatutako epaiak dioenez, tratamendua "ingurune egokienean" hartzeko askatu dute. 60 urte ditu Seseljek, eta, gertukoek adierazitakoaren arabera, minbizia du.

Hamar urte daramatza espetxean epai zain. Serbiako eta Kroaziako gerretan, 1991. eta 1994. urteen artean, hilketak, garbiketa etnikoak eta gerra krimenak egitea leporatzen diote. Gutxienez 120.000 lagun hil ziren Balkanetako gerretan, gehienak bosniarrak. 2003ko otsailean bere burua aurkeztu zuen auzitegian, epaitua izan zedin.

SRS Serbiako Alderdi Erradikaleko buru izan zen Seselj. Jugoslavia ohirako Nazioarteko Auzitegia 90eko hamarkadan sortu zen, Balkanetako gerretako krimenak epaitzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna