Albistea entzun

KATALUNIA INDEPENDENTZIARAKO BIDEAN

Ez da apur bat ere mugituko

Rajoyk ezezko borobila eman dio galdeketa adosteko Masen proposamenari, eta, horrenbestez, boz plebiszitarioen atea zabaldu du. ERCk A-9aren ondorengo bide orria aurkeztu du.

Mariano Rajoy, Kataluniako galdeketari buruzko agerraldian.
Mariano Rajoy, Kataluniako galdeketari buruzko agerraldian. Paco Campos / EFE

Adrian Garcia -

2014ko azaroak 12 10:58

Independentzia erreferendum bat era adostuan egiteko, elkarrizketara deitu zuen atzo Artur Mas Kataluniako Gobernuko presidenteak Mariano Rajoy Espainiako Gobernuko presidentea. Rajoyk biharamunean eman dio erantzuna: "Gobernu honen jarrera betikoa da". Jokabide hori zein den gogorarazi dio: "Masek 'behin betiko' galdeketa inposatu nahi didanez, aurreratzen diot hori ez dela posible".

Erreferendumik ez dela egin nabarmenduz hasi du Rajoyk agerraldia: "Ez da bozketa demokratikoa izan, ez ditu horretarako baldintzak betetzen". Parte-hartzeari ere erreparatu dio: "Parte hartze masiboa espero zuten, baina beren kontuen arabera, katalan gehienek uko egin diote parte hartzeari". Azpimarratu du Katalunian "askoz katalan gehiago" daudela independentistak baino, eta ohartarazi du Masek ezin duela bere helburua gauzatu "gizartea zatitu gabe".

Rajoyk azaldu du ez diola "inoiz" uko egin elkarrizketari, baina Espainiako konstituzioa jarri du mugatzat; erabakitzeko eskubidea gauzatzeko, berriz, egin beharreko bidea azaldu dio Masi: konstituzioa aldatzea. Nolanahi ere, bere jarrera zein izango litzatekeen argitu du: "Subiranotasun nazionala desegingo lukeen erreforma konstituzional baten kontra egongo naiz beti. Nire alderdia ere".

Masek "beldurrik ez"

Twitterren berehala idatzi du Carme Forcadell ANC Kataluniako Biltzar Nazionaleko presidenteak Rajoyren agerraldiari buruzko balorazioa. Ironiaz, eskerrak eman dizkio bere jarreragatik, eta negoziazioari uko egitea "independentziarako urrats erraldoia" dela uste du.

Goizean, Kataluniako Parlamentuko saioan hitz egin du Masek. Fiskaltza bere kontra aurkeztekoa den kereilaren aurrean, Masek adierazi du ez duela beldurrik. Haren ustez, Madrilek pentsatu du "ea zenbateko beldurra" eman diezaieken kataluniarrei; "gero eta gutxiago", erantsi du. Halaber, "hautetsontziak jartzeagatik" fiskalak ekinbideak abiatzea Espainiaren irudiarentzat " dramatikoa" izango litzatekeela ohartarazi du. Espero da fiskalak datozen orduetan aurkeztea Masen, Irene Rigau Hezkuntza kontseilariaren eta Joana Ortega Kataluniako Gobernuko presidenteordearen aurkako salaketak.

Bestalde, plebiszitu erako hauteskundeen ondorengo jokalekuan kokatu da ERCko buruzagi Oriol Junqueras. "Ahalik eta batasun handieneko" gobernua osatzea proposatu du, eta boz horietara aurkezteko moduaz ez du aukerarik baztertu: "Zerrenda partekatuak egon daitezke, zerrenda bananduak, independenteekin, marka komun bat edo siglei uko eginda. Ziur formula egokia topatuko dugula".

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz - Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste

Pekinen iragan astean egin zuten manifestazioetako bat. ©M. R. CRISTINO / EFE

Txina, konfinamenduen amaierarako bidean

Olatz Urkia

Urumqin hiru lagun hil ziren joan den astean, sute bat hasi eta konfinamendu neurriek suhiltzaileen lana oztopatu zutenean. Haserrea segituan piztu, eta Txina osoan hedatu dira neurri horren aurkako protestak; orain, egoera baretuta, badirudi gobernuak manifestariak lasaitzeko keinua egin duela.
 ©ROMAN PILIPEY / EFE

Errusiak ez du onartuko Ukrainako gerra krimenetarako auzitegirik

Mikel O. Iribar

Kremlinek «ilegitimotzat» jo du Europako Batzordeak egindako proposamena. Zelenskiren arabera, sei milioi herritar daude argindarrik gabe Ukrainan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.