Albistea entzun

KATALUNIA INDEPENDENTZIARAKO BIDEAN

Aurrera jotzeko "sintonia" bila

ERC, ICV-EUiA, CUP, CDC, UDC eta PSCko buruekin bildu da Mas. Azaroaren 24an aurkeztuko du "prozesu politikoa amaitzeko" bide orria. Prozesu konstituziogilearen alde urrats bat parlamentuan.

Oriol Junqueras eta Artur Mas gaur goizean, Parlamentuan. /
Oriol Junqueras eta Artur Mas gaur goizean, Parlamentuan. / Toni Albir/Efe

Xabin Makazaga -

2014ko azaroak 13 11:54

Gaur 11:20an hartu du Masek Junqueras bere bulegoan, eta, irteeran, ERCkoak bien arteko "sintonia ona" nabarmendu du. Bi alderdiak ados dira hauteskundeak aurreratzea dela irtenbide onena, baina Junquerasek berriro esan dio ez duela zerrenda bakarra besterik gabe babestuko, eta baldintzatu egin du. Baldintza horiek hauek dira: independentziaren helburua eta hori lortzeko bideak zehaztea eta jarraitu beharreko prozesua egutegi batean argitzea. ERCk estatu independente izateko proposatutako bide orria helarazi dio Masi.

Junquerasek berretsi du ez dituela babestuko Generalitatearen 2015eko aurrekontuak. Haren hitzetan, Kataluniako Gobernuak "inposatzen" dituen murrizketak oztopo dira horretarako.

Bilera sorta alderdiekin

Asteartean jakinarazi zituen Artur Masek igandeko galdeketaren ostean egitekoak dituen urratsak. Horietako bat da Kontsulten Kataluniako Legea babestu zuten alderdi guztiekin bilerak egitea, aurrerantzean egin beharrekoaren inguruan zer iritzi duten jakiteko.

CiU, ERC, PSC, ICV-EUiA eta CUPekin batzartuko da Mas, eta gaur du lehena, Oriol Junqueras ERCko buruarekin. Ordena horretatik CiU alde batera utzita, Kataluniako Parlamentuan ordezkari gehien duen taldetik gutxien duenera egingo ditu bilerak. Hortaz, Miquel Iceta PSCko idazkari nagusiarekin egingo du hurrengo bilera Masek. 

Asteartean azaldu zuenez, alderdien proposamenak entzun nahi ditu Masek, eta ondoren erabakiko du zein bide proposatuko duen prozesu subiranistan aurrera egiteko. Hain justu, La Vanguardia egunkariak gaur argitaratu du Masek azaroaren 24an emango duela bere bide orriaren berri.

Plebiszitu bozak hizpide

Agerraldi hartan, Masek ohartarazi zuen ez dela komeni nahastea "tresna" —hauteskundeak— eta "helburua" —"behin betiko" galdeketa egitea, haren hitzetan—. Mariano Rajoy Espainiako Gobernuko presidenteari eskatu zion galdeketa adostu bat negoziatzeko, baina ohartarazi zion ezezkoa jasoz gero prest legokeela hauteskundeak independentziari buruzko plebiszitu gisa erabiltzeko. Rajoyk, atzo eginiko agerraldian, ateak itxi zizkion negoziatzeari, Espainiaren "subiranotasuna" ez duela negoziatuko erantzunez.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Vladimir Putin Errusiako presidentea, gaur, Moskun. ©EFE

Errusiak esan du «negoziatzeko prest» dagoela, bere interesak «bermatzeko»

Mikel Elkoroberezibar Beloki

Ukrainako armadak adierazi du bere tropetako 13.000 soldadu eta 6.000 zibil hil direla gerra hasi zenetik. Haur ugariri hezkuntzarako eskubidea urratu dietela salatu du NBEko batzorde batek.

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz - Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste

Pekinen iragan astean egin zuten manifestazioetako bat. ©M. R. CRISTINO / EFE

Txina, konfinamenduen amaierarako bidean

Olatz Urkia

Urumqin hiru lagun hil ziren joan den astean, sute bat hasi eta konfinamendu neurriek suhiltzaileen lana oztopatu zutenean. Haserrea segituan piztu, eta Txina osoan hedatu dira neurri horren aurkako protestak; orain, egoera baretuta, badirudi gobernuak manifestariak lasaitzeko keinua egin duela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.