AURREKONTU SOZIALEN JARDUNALDIAK

Aurrekontu sozialen inguruko jardunaldi irekiak egin dituzte Atarrabian (Nafarroa). Herri ekinbideak antolaturik, aurrekontuei buruz eztabaidatzeko aukera izan dute hainbat herritarrek, taldetan banatuta. Nafarroako Gobernuak «alferrik» xahutzen duen diruari buruz hitz egin dute, baita zerbitzu publikoen kalitate faltaren inguruan ere. Herritarrek ez ezik, gizarte eragileek eta sindikatuetako hainbat kidek ere hartu dute parte jardunaldietan.