Nola bizi ziren garai bateko fraideak! Galiziako Xuntak hotel gisa egokitutako monasterio batean gaude, eta zoragarria da hau. Mahasti artean dago San Clodio monasterioa, Leiro herri txikian, eta igerileku txiki bat ere badauka. Neurrian berritu dute eraikuntza, baina garai bateko xarmari eusten dio.
Behin erlojupekoa amaituta, leku aldaketa luzea eduki genuen. 21:00 aldera iritsi ginen, baina gaur [atzo] eskertu dugu bidaia aurretik egin izana. Gauez iritsi ginen, eta lau etxe besterik ez daude hemen. Errespetua sortu zigun lekuak. Bi klaustro daude, bi ataritan banatuta dago monasterioa, eta horietako batetik sartzen da elizara. Gauez argi gutxi zegoen bertan, eta beldurtu antzean pasatu ginen. Baina, berriz diot, zoragarria da leku hau. Ribeiro ardoa, beltza eta zuria. Fraideen ardoak dastatuz, taldekide guztiak lasai ederrean aritu ginen hizketan.
Txirrindularitza. Espainiako Vuelta. Guadalupetik
Ederra
Iruzkinak
Ez dago iruzkinik
Ordenatu
