Beste mendizale bat hil da, izotzetan ezbeharra izanda: Donostiako bizilagun bat zendu zen herenegun, Frantzian, ezbeharra izanda. BERRIAk jakin ahal izan duenez, beste pertsona batekin zen mendira joana gizona, eta izotz plaka batean erori egin ziren.Erietxean daukate beste mendizalea, zauri larriekin. Manu de la Hoz da hildako mendizalea, 42 urtekoa. Ezaguna zen Donostiako kultur mugimenduan; besteak beste, Drum musika denda izan zuen hiriburuko Parte Zaharrean, eta musikari buruzko erakusketak-eta antolatzen aritua zen.
Azken egunetan mendi istripu gehiago ere izan dira Pirinio inguruan. Ostiralean, 38 urteko beste mendizale bat hil zen Hiru Erregeen Mahaian (Nafarroa), amilduta. Aurreko asteburuan, berriz, Huescan (Espainia) Iruñeko mendizale bat hil zen, 53 urtekoa, Aspe mendira igotzen ari zela. Irrist egin, eta300 metro amilduzen.
Azken asteetan egin duen eguraldiagatik, izotz plaka handiak sortu dira Pirinioetan. Hori dela eta, Euskal Mendizale Federazioak abisua eman die mendizaleei: jokatzeko arretaz mendian, eta material egokia eramateko.
Donostiako mendizale bat hil da Frantzian, izotzetan erorita
Donostiakoa da hildako gizona; beste pertsona batekin zegoen istripua gertatu zenean, eta hura larri dago ospitalean
Iruzkinak
Ez dago iruzkinik
Ordenatu
