(Ia) guztia moztu eta itsats daiteke. Esther Ferrer eta denbora

(Ia) guztia moztu eta itsats daiteke Aintzane Usandizagaren hitzen eta Aran Santamariaren irudien bitartez josten den kontaketa bat da. Esther Ferrer artistak denboraren inguruan egindako lanak daude haren oinarrian, eta modu jostagarri eta ederrean horiek ezagutaraztea da liburuaren helburua. Esther Ferrer Euskal Herriko artistarik garrantzitsuenetakoa da, eta maiz landu zituen denbora eta halako beste kontzeptu batzuk, aldi berean abstraktuak eta oso egunerokoak direnak. Esther Ferrerren estetika gogoraraz dezakeen collagezko muntaketaren eta hitz dantzarien bidez, denbora harrapatzeko ahaleginean murgilduko da irakurlea.