Amaiur bat urtero

Film garrantzitsu bat egiten ari dira Baztanen. Amodiozko istorio gartsu bat da, orain dela bostehun urte setiatua izandako Amaiurko gazteluan, Nafarroako erresuma menderatzeko gerran. Maitaleen desira eta ustekabeko heriotza bat dira Jon Alonsoren nobela berri hau azkartzen dutenak. Zinema giroaren xarma beti erakargarria gertatzen da kontakizun literarioan: fikzioaren ondoko errealitatea intrigaz pizten da, aktoreak bi bider bihurtzen dira protagonista, arazo bitxiez konplikatzen da produkzioa.