Irulegi

Aranzadi elkarteak inoiz ez bezalako aurkikuntzaren berri eman zuen joan den azaroan: hizkuntza baskonikoz idatzitako lau lerroko idazkun bat topatu zuten Arangurenen (Nafarroan), K.a. I. mendekoa. Brontzezko esku batean dago idatzia, eta transkribatu duten lehen solasa sorioneku da.

Monografia honetan, 2.100 urte dituen Irulegiko Eskuaren ikerketa, testuinguru historikoa eta linguistikoa azaltzen dira, dibulgazio moduan. Liburua grafikoa da, eta Irulegiko aztarnategian egindako ikerkuntza arkeologikoaz eta aparteko pieza epigrafiko horren irudiz josita dago.

Irulegiko indusketa babestu nahi baduzue, HEMEN duzue Aranzadiren webgunean ekarpen ekonomikoa egiteko aukera.