Azaroaren 11n, Martin Ugalde beka emateko ekitaldia

Aurtengo deialdian, gai hau lantzeko proposamena egin da: “Euskal Herria euskal hedabideetan. Euskal hedabideek nola irudikatzen dute Euskal Herria? Lurraldea nola izendatzen da? Izendapen horren azpian zein da eremua? Zein dira mugak?”. Proiektu saridunak 8.000 euroko diru laguntza jasoko du, lana urtebeteko epean egiteko.

Martin Ugalde beka emateko ez ezik, hedabideek lurraldetasunaren inguruko gaia nola lantzen duten aztertzeko ekitaldia ere izango da datorren astelehenekoa. Eneko Bidegain Mondragon Unibertsitateko Ikus-entzunezko Komunikazioko graduko irakasleak “Lurraldea eta Herria liburuaren inguruko solasaldia” hitzaldia eskainiko du.

Berria fundazioak, Martin Ugalde kultur parkeak, Elkar fundazioak eta Jakin fundazioak antolatzen dute beka, bi urtean behin, Andoaingo Udalaren laguntzarekin. Bekak bi gairen gaineko ikerketa egiteko aukera ematen du: Martin Ugalde bera ikertzeko aukera, eta euskal kazetaritzaren gaineko ikerketak egiteko aukera.

Ekitaldia 19:00etan izango da, Martin Ugalde kultur parkean. Gero, elkarrekin mokadutxo bat hartzeko tartea izango dugu.

2019-11-11 / 19:00
Martin Ugalde kultur parkea

Beste ekitaldi batzuk

- Martin Ugalde foroa - Emakumezkoak euskal prentsan: zenbat gara?

2019-11-21 / 19:00:00
Martin Ugalde kultur parkea

Komunikabideek munduaren berri ematen digute, baina den bezala agertzen ote digute errealitatea? Hau da, emakumeek gizartearen erdia osatzen dute, baina neurri berean ote da hori ikusgarria hedabideetan? Non ageri dira emakumezko gehiago euskal prentsan? Galdera horiei erantzungo diete, besteak beste, Arantza Gutierrez Paz eta Itxaso Fernandez Astobiza EHUko irakasleek, eta Elhuyar fundazioko Xabier Saralegi Urizarrek, azaroaren 21ean, Martin Ugalde foroan.

BERRIA ekitaldiak

2019-12-31 / 00:00:00
-

Ongi etorri BERRIA ekitaldien atarira. Gogoeta sustatzeko eta euskara eta euskal kultura hedatzeko, hainbat ekitaldi antolatzen ditu BERRIAk, bakarrik zein elkarlanean. Gonbidatuta zaude.

Oraindik ez zara BERRIAlaguna?

Ikusi abantaila guztiak eta izan zaitez BERRIAlaguna:

BERRIALAGUNA IZAN NAHI DUT

Bezero arreta

Edozein zalantza argitzeko, jar zaitez gurekin harremanetan

943-30 43 45 (astelehenetik ostiralera: 08:30-16:00)

laguna@berria.eus

Txat bidez (astelehenetik ostiralera: 08:30-16:00)