Trixertak 5 urte - Erakusketa Katakraken

5 urte bete dituzte Trixertek. 5 urte aktualitatea oihalera eramanez. 2015eko udaberrian ekin genion hiru hankako egitasmoari, eta ordutik hamaika izan dira elastikoetan landu ditugun albisteak. Edizio hauetan guztietan, 17 sortzailerekin egin dugu lan, 60 elastiko diseinatu ditugu, eta 4500 kamiseta baina gehiago saldu dira.

Ibilbide oparo hau ospatzeko, urriaren 21etik azaroaren 3ra, Trixerten erakusketa antolatu dugu Iruñeko Katakrak liburu dendan. Inaugurazioa urriaren 23an, astezkena, izango da, eta BERRIAko eta Oninarteko kideez gain, egitasmoan parte hartu duten sortzaileak ere gerturatuko dira. Guztiok elkarrekin mokadutxo bat hartzeko aukera izango dugu bertan.

Zu, Trixertazale, baino ez zara falta erakusketaren aurkezpena borobila izateko!

Zatoz urriaren 23an egingo dugun inauguraziora!

Eta horrez gain, gogoratu, urriaren 21tik azaroaren 3ra gehien saldutako trixertak izango dituzuela eskuragarri BERRIA dendan!

2019-10-23 / 19:00

Beste ekitaldi batzuk

LUR ETA AMETS

2020-02-02 / 11:00:00
DONOSTIA, Principe zinema aretoa

"Lur eta Amets, hau bai abentura!" filmaren proiekzioa eskainiko da Principe zinema aretoan. Film honek, Euskal Herriko kultura eta historiaren kronika jasotzen du, Lur eta Amets-ek biziko dituzten abenturen bitartez. Otsailaren 2an, 11:00etan, Principe zinema aretoan, Donostian.

Jatorri anitzeko biolentzien biktimak - ETA, BVE eta GALen kaltetuak

2020-02-06 / 19:00:00
Martin Ugalde kultur parkea

Egoera politiko berrian elkarbizitza josten segitze aldera, ETA, BVE eta GALen biktimei ahotsa eta hitza emango dizkiegu datorren otsailaren 6an, Martin Ugalde foroan, Foro Sozial Iraunkorrarekin elkarlanean antolatutako saioan. Maria Jauregik (aita ETAk hil zion), Naiara Zamarreñok (aita ETAk hil), Eneko Etxeberriak (anaia BVEk desagerrarazi zion) eta Nagore Otegik (aita GALek hil zion) hartuko dute parte, eta Enekoitz Esnaola BERRIA egunkariko kazetariak gidatuko du solasaldia.

Oraindik ez zara BERRIAlaguna?

Ikusi abantaila guztiak eta izan zaitez BERRIAlaguna:

BERRIALAGUNA IZAN NAHI DUT

Bezero arreta

Edozein zalantza argitzeko, jar zaitez gurekin harremanetan

943-30 43 45 (astelehenetik ostiralera: 08:30-16:00)

laguna@berria.eus

Txat bidez (astelehenetik ostiralera: 08:30-16:00)