12.000 pintxo banatuko dituzte Antxoa Egunean

ONDARROA. Kantauriko antxoa bultzatzeko asmoarekin ospatuko dute larunbat honetan Antxoa Eguna Ondarroan (Bizkaia). 12.000 antxoa pintxo banatuko dituzte bisitarien artean, arratsaldeko seietatik aurrera. Hala ere, goizean ere izango dira ekitaldiak, Lea Artibai inguruko produktuen azoka egingo dute, eta musikariak ere ibiliko dira herriko kaleetan. Gauean, hamarretatik aurrera, musika izango da nagusi.