1813koa oroitzeko egitarau prestaketa luzatu dute

DONOSTIA. Berrehun urte beteko dira 2013an Donostiako 1813ko gertaerak izan zirenez geroztik, eta bigarren mendeurrena gogoratzeko egitaraua prestatzen ari dira. Proposamenak aurkezteko epea irailaren 15era arte luzatu dute. Proiektuak, proposamenak eta ideiak bidal daitezke. Bi modu daude: udal erregistroan aurkeztuz edo [email protected] helbide elektronikora bidaliz.