2012an, behin-behineko kontratuak EITBnet-en

INTERNET. «Beharginen kontratu desegokiak bukatzeko eta EITBnet-eko langileentzat EITBko beste langileen lan baldintza berberak eskatzeko» lanean ari da azken urteetan Aralar. PSEk eta PPk Aralarren proposamenari muzin egin diote, eta eurek adostutakoa onartu dute. Ondorioz, 2012an EITBnet-en behin-behineko kontratuak izango dituztela salatu du Aralarrek. «Langile horiei ez zaie aukera ematen, EITBko beste enpresetan ematen zaien moduan, lehiaketa publikoaren bitartez baldintza egoki eta egonkorrak lortzeko».