Zaborraren kudeaketaren gaia puri-purian dagoen honetan, Zero Zabor Astea antolatu dute Debagoiena eskualdean (Gipuzkoa). Bihartik igandera, hitzaldiak, erakusketak, ikus-entzunezkoak, txangoak, kontzertuak eta bazkariak egingo dituzte.
Eskoriatzako Huhezi fakultatean Atez atekoaren aurrean komunikabideek izan duten jokaeraren azterketa hitzaldia emango du Oñati Zero Zabor taldeak, bihar, 19:00etan. Arrasaten, ordu berean, Etorkizuna erraustuz dokumentala erakutsiko dute.
Asteartean, Las ventajas del puerta a puerta ante las desventajas de la incineradora hitzaldia emango du Peio Lozano EHUko irakasleak, 10:00etan, Bergarako Irizar jauregian.
Hurrengo egunean, Errausketari ateak ixten dokumentala estreinatuko dute, 19:30ean, Oñatiko kultur etxean. Toki berean, ostiralean, Atez atekoa, 5. edukiontzia... Norena da birziklatzeko ardura? hitzaldia emango du Pello Zubiriak. Asteburuan kutsu ludikoagoa hartuko du egitarauak. Bergaratik Antzuolara txangoa hasiko dute, atez ateko sistema ikustera, 09:00etan, herriko plazatik. Herri bazkaria egin ondoren, kantaldia eskainiko dute Josu Zubia eta Ubera bakarlariek. Gauean, kontzertua emango dute Krisi, KKK, Su-etena eta Kalamidaz taldeek.
ZERO ZABOR ASTEA
Noiz. Bihartik igandera, Arrasaten, Bergaran, Eskoriatzan, Oñatin, Aretxabaletan eta Elgetan (Gipuzkoa).
Agur zaborrari, Debagoienean
Zakarraren inguruko astean, hitzaldiak, erakusketak eta bestelakoak egingo dituzte bihartik aurrera
Iruzkinak
Ez dago iruzkinik
Ordenatu
