Erresistentzia soziala eta ama lurra hizpide dira egun hauetan Gasteizen. Mugarik Gabe gobernuz kanpoko erakundeak, Mundubat gobernuz kanpoko erakundeak eta Euskadiko Kolonbiako Errefuxiatuen Taldeak hitzaldi-jardunaldiak antolatu dituzte Erresistentzia sozialaren minga eta ama lurra lelopean.
Kolonbiako herri indigenen alternatibak ezagutza eta lan bateratuak indartzeko balio dutela erakutsi nahi dute hitzaldi horien bitartez. Lan bateratuaren bitartez sistema kapitalistaren ereduaren aurkako errealitate bat sortu daitekeela diote antolatzaileek.
Atzo izan zen lehen hitzaldia Herri Indigenak Kolonbian izenburupean, eta Abadio Green Antioquiako Unibertsitateko Hezkuntza Indigenaren Programaren koordinatzaileak eman zuen. Gaur ama lurra aztertuko dute. Abadio Green izango da Hikaateneoan gaur ere, Ama Lurraren Pedagogiaz hitz egiten.
Bihar Erresistentzia sozialaren mingaz hitz egingo dute Lucelia Montenegro Caucako Eskualde Kontseilu Indigenaren kontseilariak eta Vicente Otero Caucako Eskualde Kontseilu Indigenaren nazioarteko harremanen ordezkariak.
Gaur eta biharko hitzaldiak 19:00etan izango dira, Hikaateneoan.
AMA LURRAREN PEDAGOGIA
Noiz. Gaur, 19:00etan.
Non. Gasteizko Hikaateneoan.
Ama lurra eta erresistentzia
Kolonbiako herri indigenen alternatibak aztertuko dituzte gaur eta bihar, Gasteizko Hikaateneoan
Iruzkinak
Ez dago iruzkinik
Ordenatu
