'Argia'-ren webgunean, sakelakoen funtzio berriak

INTERNET. Multimedia kanala osorik bistaratu ahal izango du sakelako telefonoen erabiltzaileak aurrerantzean Argia-ren webgune egokituan. Erabilgarritasuna errazteko asmoz, diseinu aldaketa batzuk egin dituzte, eta zenbait funtzio sozial gehitu. Askotariko gailuetarako prestatu dituzte 60 dokumentaletik gora, beste horrenbeste film labur, Beranduegi saioa eta bideo solteak. Azken 12 urteotako astekari guztien hemeroteka ere kontsulta daiteke. Argia-ko edukiak trukatzeko aukera izango du erabiltzaileak: sare sozialen bitartez eta posta elektronikoz zabalduz.