Uztailaren 17an estreinatuko du AEBetako HBO kateak Game of thrones telesailaren denboraldi berria. Zaleak zain daude, eta egun hori iritsi bitartean trailerrekin konformatu behar dute. Duela aste batzuk aurreneko trailer ofiziala jarri zuten sarean —euskal kostaldeko irudi batzuk ageri ziren—. Milioika bisita izan ditu Interneten bideo horrek. Zaldieroak egin zion bideoari erreferentzia egun pare batean, iradokiz mundu zabalean egongo direla euskaldunak trailer horretan Gaztelugatxe identifikatzen.
Gaurtik aurrera ikus daiteke bigarren trailerra. Plano batean, Tyrion Lannister pertsonaia —Peter Hayden Dinklage aktoreak interpretatzen du— agertzen da, alboan itsaslabar bat duela. Barrikako (Bizkaia) itsaslabarra duela ematen du.
