Baserriko oilaskoa probatzeko aukera

BILBO. Baserriko oilaskoaren festa egingo dute larunbatean Bilboko Erriberako merkatuan, Lumagorrik antolatuta. Festa horrekin baserriko oilaskoa erosleei ezagutarazi nahi diete. 11:00etatik aurrera, baserriko oilaskoa burruntzian eta parrillan jateko aukera egongo da, eta Arabako Errioxako ardoa ere eskainiko dute. Oilaskoak nola hazten dituzten azaltzeko erakusketa bat jarriko dute.