'Belle époque' garaiko karrusela Unamunon

BILBO. Zazpikaleetako Merkatarien Elkartearen ekimenez, belle époque garaiko karrusel bat jarri dute Bilboko Unamuno plazan. Europako XX. mende hasierako egurrezko karruselaren itxura dauka. 16 toki ditu, eta 5,5 metroko diametroa. Goizeko hamaiketatik gaueko hamaiketara dago zabalik egunero. Eta hurrengo urteko uztailaren 31ra arte egongo da han. Bidaiak 2,50 euro balio du.