Berrogei urtetik gorako dantzarien txapelketa

ZERAIN. Ohiko irudia izaten da gazteak dantza txapelketetan ikustea. Ez da hala gertatzen, ordea, adin batetik aurrerakoekin. Egoera hori iraultze aldera sortu zuten orain sei urte Zerainen (Gipuzkoa) 40 urtetik gorakoen dantza txapelketa. Lehenengo urtean izandako arrakasta ikusirik, urtero errepikatu dute txapelketa. Atzo ospatutakoa zazpigarrena izan da. Bikote bakoitzak fandangoa eta arin-arina dantzatu zuen. Lehia bukatzean, afaria izan zuten parte hartzaileek.