Michelin gidak atzo arratsaldean banatu zituen gastronomiako izarrak Frantzian eta Ipar Euskal Herrian, Parisen egindako ekitaldi batean. Arrangoitzeko Le Moulin d'Alotz jatetxeak berriro izango du izar bat. Izan ere, aurretik ere jaso izan du jatetxeak Michelin gidaren izarrik, baina iaz galdu egin zuen, euriteen ondoren jatetxea itxita izan eta gero. Gertakari horien ondoren, Fabrice Idiart sukaldariak jatetxearen ardura hartu zuen, eta berriz ere jatetxeak izar bat jasotzea lortu du. Aurretik Reserve Donibane Lohizuneko jatetxean egin zuen lan Idiartek.
Ezpeletako Choco Ona jatetxea Flora eta Clementek daramate. Biek ere esperientzia dute Michelin izarrak dituzten jatetxeetan: zehazki, Senpereko Auberge Basquen.
