BI GURPILEN GAINEKO OSPAKIZUNA

Txirrindulariak izan ziren nagusi atzo Bulebarrean ospatu zen Bizikleta Festan. Kirolaren jaian, bost eta hamar urte bitarteko haurrak lehiatu ziren: 450 parte hartzailetik gora bildu zituen lasterketak. Izan ere, haurrek festetan euren lekua izan dezaten antolatzen da ekimena, eta tradizio bihurtzeko bidean da Donostiako Aste Nagusian. Bretxatik hasi eta udaletxe inguruan bukatzen da lasterketa, eta parte hartzaile guztiak izaten dira garaile; denek jaso zuten merezitako saria.