Bihar hasiko da 'Eldiario.es' ataria martxan, sarearen aldeko apustua eginez

Papereko egunkarien geroa hobetuko den itxaropen gutxirekin, euskarri berri batera salto egitea erabaki du Ignacio Escolarrek: Internetera. Bihartik aurrera, martxan izanen da Eldiario.es egunkari digitala. Hamabi kazetarik osatutako erredakzioan, politika eta ekonomia gaiak jorratuko dituzte, batez ere, eta egunero, hainbat kolaboratzailek idatziko dute. «Apaindura gutxiko proiektua da, baina ez da proiektu txiki bat», dio Escolarrek.