Bisita gidatuak antolatu dituzte artzain txaboletara

ZERAIN. Esperientzia berritzaile bat jarri du abian Zerain Paisaia Kulturalak: bisita gidatuak artzainen mendiko txaboletara. Lehenengoa biharko antolatu dute: Garoa gaztandegira, Aralarren. Zeraindik 09:00etan irtengo dira autobusez, eta oinez joango dira guardetxea zegoen lekutik txabolara. Fermin Leizaola etnografoak eta Gotzon Ansoleaga Aralarko parke naturalaren zuzendariak azalpenak emango dituzte, eta gero gazta dastatzea egingo dute.