Burdin kabotajearen bidaia gaur abiatuko da

PORTUGALETE. XIII. mendetik XIX. mendera bitartean burdina garraiatzeko erabiltzen zuten sistema ekarriko dute gogora egunotan. Portugaletetik (Bizkaia) abiatuko da gaur burdin kabotajea, eta Donibane Lohizuneraino (Lapurdi) itsas bidaia egingo du. Jarraian ibaiko ontzien bidez Azkaineko portura iritsiko da. Ibilbide historikoa abuztuaren 6an Urdazubin (Nafarroa) bukatuko da.