Concha Garcia Campoy goizero Tele5n

TELEBISTA. Bihartik aurrera Tele5ko goizeko albistegia zuzendu eta aurkeztuko du Concha Garcia Campoyk; azken urteetan Cuatron aritu da. Haren lekua Marta Fernandezek beteko du Cuatron, 12:30ean. Hilario Pinok, berriz, kate horretako eguerdiko albistegia aurkeztuko du. Berrikuntza gehiago ere helduko dira bihar Cuatrora: Jesus Vazquezek Allá tú lehiaketa aurkeztuko du, 19:00etan.