Derbiari buruzko saio berezia etzi Hamaikan

TELEBISTA. Athleticek eta Realak bihar jokatuko duten derbiaren inguruko programa berezia emango dute astelehenean Hamaika telebistan, 22:00etan. Horretarako, Harrobia eta Hamaikakoa saioak bateratu, eta bakarra osatuko dute. Athleticen eta Realaren aldeko bina aditu izango dituzte solasaldian, Zihara Aranbarri eta Inaxio Esnaola gidari. Sare sozialei begira, jendearen parte hartzea sustatu nahi dute. Horretarako, Twitter-en #11derbia etiketa sortu dute, zaleek beren iritzia eman dezaten. Iruzkinik esanguratsuenak saioan irakurriko dituzte.