LUSO SUETXEA
•Herrialdea. Portugal.
•Eguna. Igandea.
Eguraldia ez zuten alde izan igande gauean Portugalgo Luso su etxekoek, tarteka euria egin zuen haiek antolatutako emanaldian, eta haizea ere ez zuten alde izan. Hala ere, ikuskizun dotorea eskaini zuten Donostiako badiako zeruan. Emanaldi koloretsua izan zen, eta kolorea batez ere bukaerako trakan erakutsi zuten. Ikuskizuna ongi borobildu zuten bukaerako su sortarekin, eta ikusleen txaloak jaso zituzten. Oro har, su altuak izan ziren, eta erritmoa falta izan zitzaien.
GAUR ZEIN
•Izena. Zaragozana piroteknia.
•Herrialdea. Espainia.
•Berezitasuna. Su festak antolatzeaz gain, musikaz lagundutako ikuskizunak ere prestatzen ditu Zaragozako su etxeak. Ibilbide luzeko etxea da 1860. urtean sortu baitzen. Hasieran, piroteknia lantegia zen eta pixkanaka su festak egiteko enpresa ibihurtu zen. Nazioartean ezaguna da, Europako hainbat herrialdetan erakutsi dituzte beren lanak, eta sari ugari irabazi dituzte. Donostia ezaguna dute jadanik; 2002an, gainera, Zilarrezko Maskorra bereganatu zuen su etxeak.
