Aberri Eguneko egitarauaren baitan, FIFA20 Euskal Ligako finala jokatuko dute gaur, arratsaldeko 16:00etatik hasita. Ehundik gora partaide izan ditu Game Erauntsiak eta Gu ere Baik antolatutako txapelketak, eta Eibar izan da garaile, Ibarrainkua jokalariaren eskutik. 1-2 menderatu du Malkortzek gidatutako Athletic. Finalistek hainbat sari eskuratu dituzte, tartean, BERRIAren urtebeteko harpidetza.
Euskal Herriko futbol talde bakoitzarekin ligan parte hartzeko kanporaketetan ehundik gora jokalarik hartu zuten parte, baina bostek bakarrik eskuratu zuten sailkapena, taldeko ordezkari bat egonik. Ligaxkaren ostean, eta Alavs kanporatuta, finalaurrekoetan eskuratu zuten finalerako gonbidapena Eibarrek eta Athleticek, Osasuna (Beñat) eta Reala (OstoZumaia) garaituta, hurrenez hurren.
Azken horiek, ordea, izan dute gaur jokatzeko aukera ere. PS4ko jokoak ez du emakumeen euskal taldeekin jokatzeko aukera ematen, baina Emakumeen Munduko Kopako finala errepikatu dute: AEBak - Herbehereak. 5-2 izan da partida horren emaitza. Lehen norgehiagokaren ostean, eta final handiaren atarian, bertso derbia ere entzungai izan dute ikusleek; Onintza Enbeita, Beñat Gaztelumendi, Alaia Martin eta Oihana Bartra aritu dira bertsotan.
Zorionak @SDEibar! #Fifa20#euskalLiga@athletic_eus 1 - @SDEibar 2@Malkortz eta @ibarrainku
— gu ere bai! (@guerebai) April 12, 2020
Eskerrik asko guztioi. @Gamerauntsia / @guerebaipic.twitter.com/6Lsxr1Bn8M
