Erdi Aroan murgiltzeko proposamena

BASTIDA. Bastidak (Araba) denboran atzera egingo du asteburuan, II. Erdi Aroko azoka dela eta. Udalak eta Acobasa ostalari eta merkatarien elkarteak antolatu dute festa, eta antzerkiak, ikastaroak eta musika emanaldiak prestatu dituzte, garai hartako azokaz gain. Bihar gauean ikuskizun aparta eskainiko dute, eta zaldunen borrokak eta piroteknia ikuskizunak ikusi ahalko dira.