Eta lotarako, airea jarrita badaukagu?

Ez da aukerarik osasungarriena, baina ondoren aipatuko ditudan neurriak hartuz gero, irtenbide ona izan daiteke girorik beroenetan ere gauez ondo deskantsatzeko.

• Kontuz tenperaturarekin. Ez ahaztu lo gauden bitartean gure gorputzeko tenperaturak behera egiten duela. Aparatua oso maila baxuan programatzen badugu, hotzez egongo gara. Horregatik, 24ºC-tik ez jaistea gomendatzen da.

• Erregulatu airearen irteera. Aireak ez du zuzenean gure gorputza jo behar. Horretarako, aparatua haizegailu moduan jarri behar da.

• Hotzetik babestu. Erabili pijama edo maindire arin bat horretarako.

• Programatu. Ideia ona da aparatua gaueko aurreneko orduetan bakarrik martxan edukitzea, bero gehien egiten duenean, alegia. Termostatorik balu, ordu jakin batean deskonektatzeko programatuko genuke.