ETBk gaueko albistegiak kendu ditu, kostuengatik

TELEBISTA. Gaueko albistegiak kentzea erabaki du ETBk, ikusle datuak eskasak eta kostuak handiak direla argudiatuta. Bi urteren ostean, bertan behera gelditu dira Gauberri eta Teleberri 3, euskarazko eta gaztelaniazko albistegiak, hurrenez hurren. «Gizarteak zerbitzu gisa ikusten ditu, baina kostu bat dute; guk baliabideak optimizatzearen alde egin dugu», azaldu du kateak. Lantaldea beste sail batzuetara bideratu dute.