Euskadiko Txapelketa jokatuko da bihar

KIROL ESKALADA. Gasteizko Ariznabarra kiroldegiko rokodromoak hartuko du bihar Euskal Mendizale Federazioak antolatutako Euskadiko Kirol Eskalada Txapelketa. Goizean jokatuko dira sailkapen kanporaketak, eta arratsaldean finalak, 17:00etan. Aurten estreinakoz antolatu dute 14 urtez azpikoen kategoria. Nagusietan, Mikel Ziarrusta eta Itziar Rodriguez txapela irabazten saiatuko dira, iaz bezala.