Euskal Astea hasteko azoka igandean

ARRIGORRIAGA. Euskal Astea ospatuko dute igandean hasi eta urriaren 22ra bitartean Arrigorriagan (Bizkaia). Asteari indarrez ekiteko Euskal azoka egingo dute igandean bertan. Sagardo festa, bertsolariak, trikitilariak eta baserriko produktuen azoka izango dira, besteak beste. 12:30ean, harri-jasotzaileek erakustaldia egingo dute.