Euskal Herriaz ariko dira gaur Indonesian

TELEBISTA. Indonesiako TVOne telebista kateak Euskal Herriari buruzko erreportaje baten lehen atala emango du gaur. Indonesian 15:30ean hasiko da emanaldia —Euskal Herrian 10:30ean, eta Internet bidez ikusi ahalko da www.tvonenews.tv webgunean—. Abuztuan kate horretako talde bat Euskal Herrian izan zen, eta, besteak beste, Julen Madariaga eta Martxelo Otamendi elkarrizketatu zituzten. Bigarren zatia bi aste barru emitituko dute. Bahasa hizkuntzan emango du TVOne kateak.