Euskal mitologia ardatz, Zuia Euskaraz Egunean

MURGIA. Euskararen eta mitologiaren bueltan bilduko dira igandean Murgian (Zuia, Araba), euskal mitologia izango baitute ardatz Zuia Euskaraz Egunean. Hainbat kultur elkartek karroza batzuk prestatuko dituzte, Gorbeia inguruetako istorio eta pertsonaia mitologikoetatik abiatuta; 12:00etan aterako dira. Dantzak eta Gorbeia zortzikoa eskainiko dituzte 13:30ean. Arratsaldean, erromeria izango da, Esteibar&Obietarekin.