La huella invertida: Miradas de Jose Domingo Laso (Oinatz iraulia: Jose Domingo Lasoren begiradak) erakusketak Jose Domingo Lasoren ehunka argazki bildu ditu. Artistak 1910. urtean Quito a la vista (Quito begi bistan) albuma publikatu zuen. Lan horren hitzaurrean Lasok kritikatu zuen Quito bisitatzen zuten atzerritarrek indigenengan arreta jartzen zutela. "Guztia itsusteaz gain, gure herritar eta kulturaren irudi oso pobrea ematen dute". Lasok nabarmendu zuen, haren lanaren helburua zela "Ekuador konkistatu daitekeen herrialde basatia denaren ikuspegia aldatzea".
Francois Laso argazkilaria erakusketaren zaintzaile eta Jose Domingoren birbiloba da. Berak azaldu du Amerikako indigenak ezabatzeko XX. mende hasieran negatibo gisa erabiltzen ziren beira plakak urratzen zituztela. Plaketan geratzen ziren zirriborroak disimulatzeko hegal zabaleko kapelak eta jantzi zuriak jartzen zituzten, Quitoko eliteko emakumeak irudikatuz.
"XX. mendearen hasiera hispanismoaren garaia izan zen. Eskualdeko hainbat herrialdetan garatu zen korronte hori. Haren arabera, modernoa izateko jatorri hispanikoa jarraitu behar zen, ez indigena", azaldu du Francois Lasok. Haren aburuz, aurreko mendeko zirriborroak gaur egun ere mantentzen dira, baina beste modu batean. "Gaur egungo gizartean errepideak, telefonoak eta abar ditugu. Baina benetan aldatu al da gure pentsatzeko era?".
